નવા વરસની નવી રીત, જૂની વાત! January 1, 2014
Posted by jagadishchristian in કવિતા, મારી કવિતા.Tags: જૂની વાત!, નવા વરસની નવી રીત
4 comments
મિત્રો સૌને નવા વરસની સલામ. નવું વર્ષ નવી ઉષ્મા અને નવી દિશા લઈને આવે એવી અભ્યર્થના!
નવા વરસની નવી રીત, જૂની વાત!
વરસ નવું છે!
વર્તન નવું છે?
જુની એ શીશીમાં
જોબન નવું છે?
!
આંખો જૂની છે
વાતો પુરાણી
લાગે છે તાજી
વલણ નવું છે?
!
આખે જ આખો
બદલાઈ ગયો છું!
હતું એજ છે કે
નાટક નવું છે?
!
કરતો રહ્યો છું
પ્રતીક્ષા તમારી
વરસોથી આમ જ
એમાં કશું નવું છે?
!
જગદીશ ક્રિશ્ચિયન - દશાની દિશા 